పోలీసుల అదుపులో హోం మంత్రి…

దిశ దశ, హైదరాబాద్:

కేంద్ర హోంశాఖ సహాయ మంత్రి బండి సంజయ్ ని పోలీసులు అదుపులోకి తీసుకున్నారు. గ్రూప్ 1 అభ్యర్థులకు మద్దతుగా నిలిచిన ఆయనను అదుపులోకి తీసుకుని వాహనంలో నాంపల్లి బీజేపీ కార్యాలయానికి తరలించారు. జిఓ 29ని రద్దు చేయాలన్న డిమాండ్ తో సచివాలయం ముట్టడికి వెల్తున్న గ్రూప్స్ అభ్యర్థులతో కలిసి వెలుతున్న క్రమంలో కేంద్ర మంత్రిని అదుపులోకి తీసుకున్నారు. ఈ సందర్భంగా బండి సంజయ్ మాట్లాడుతూ… ప్రభుత్వం రిజర్వేషన్ల వ్యవస్థను రద్దు చేయదలుచుకుందా అని ప్రశ్నించారు. మొండి పట్టు వీడాలని హితవు పలికిన ఆయన కోర్టును కూడా ప్రభుత్వం తప్పుదోవ పట్టిస్తోందని ఆరోపించారు. హై కోర్టు తీర్పును గౌరవించాలని బండి సంజయ్ సూచించారు.