రాజన్న ఆలయంలో ఏసీబీ సోదాలు…

దిశ దశ, రాజన్న సిరిసిల్ల:

రాష్ట్రంలో ప్రముఖ శైవ క్షేత్రమైన వేములవాడ శ్రీ రాజ రాజేశ్వర స్వామి ఆలయంలో అవినీతి నిరోధక శాఖ అధికారులు సోదాలు చేపట్టారు. గురువారం ప్రారంభమైన ఈ సోదాల్లో తూనికలు కొలతల శాఖ అధికారులు కూడా పాల్గొన్నారు. ఏసీబీ కరీంనగర్ రేంజ్ డీఎస్పీ రమణ మూర్తి నేతృత్వంలో సీఐలు తిరుపతి, కృష్ణ కుమార్ ల ఆధ్వర్యంలో దాడులు కొనసాగుతున్నాయి. ఆలయంలో జరిగిన ఆర్థిక లావాదేవీలు, ఆహార పదార్థాలకు సంబంధించిన వివరాలను సేకరించే పనిలో నిమగ్నం అయ్యారు. రికార్డులను క్షుణ్ణంగా పరిశీలిస్తుండడంతో పాటు తూనికలు కొలతల శాఖ అధికారులచే కూడా తనిఖీలు చేయిస్తున్నారు.