సీటు పోతే పోనివ్వండి ఏం ఫర్లేదు…

కేటీఆర్ ఆసక్తికర వ్యాఖ్యలు

దిశ దశ, హైదరాబాద్:

మహిళా రిజర్వేషన్ బిల్లు అమల్లోకి వచ్చిన తరువాత ఏఏ నియోజకవర్గాల్లో నాయకత్వం స్త్రీల చేతుల్లోకి వెల్తుందో తెలియదు కానీ. ఈ అంశంపై మాత్రం తర్జనభర్జనలు పెద్ద ఎత్తున సాగుతూనే ఉన్నాయి. బిల్లును అమల్లోకి వచ్చినట్టయితే మహిళలు ఎక్కువగా ఉన్న నియోజవకర్గాల్లో సిట్టింగ్ ఎమ్మెల్యేలు ప్రత్యామ్నాయ నియోజకవర్గాల వైపు చూడక తప్పని పరిస్థితి ఏర్పడింది. అయితే ఏ నియోజకవర్గాల్లో మహిళా రిజర్వేషన్ అమలవుతోందో లేదో తెలియాలంటే మరిన్ని రోజులు ఆగాల్సి ఉన్నప్పటికీ ముఖ్య నాయకులకు మాత్రం ఈ అంశంపై పలు ప్రశ్నలు ఎదురవుతున్నాయి. తాజాగా హైదరాబాద్ ఇంటర్నేషనల్ టెక్ ప్రారంభోత్సవంలో మంత్రి కేటీఆర్ కూడా ఈ అంశంపై వ్యాఖ్యానించడం ప్రాధాన్యత సంతరించుకుంది. ఒక వేళ మహిళా రిజర్వేషన్ లో నా సీటు పోతుందంటే ఏం ఫర్లేదు పోనివ్వండి… మనందరివి చాలా చిన్న జీవితాలు… అందులో నా పాత్ర నేను పోషించాలనుకుంటున్నాను అని కేటీఆర్ కామెంట్ చేశారు.