దిశ దశ, రంగారెడ్డి:
పోక్సో కేసులో నిందితునికి 20ఏళ్ల జైలు శిక్షతో పాటు రూ. 25 వేల జరిమానా విధించింది ఎల్ బి నగర్ కోర్టు. సంఘటనా వివరాల్లోకి వెల్తే… రంగారెడ్డి జిల్లా మంచాల్ మండలం లోయపల్లికి చెందిన ఓ మైనర్ పై అఘాయిత్యానికి పాల్పడిన ఘటనపై పోలీసులు కేసు నమోదు చేశారు. క్రైం నంబర్ 113/2016లో సెక్షన్ 376, 362, 493, 496 ఐపీసీ, సెక్షన్ 3,6 RW 5(k) ఆఫ్ పోక్సో యాక్ట్ లలో కేసు నమోదయిన ఈ కేసులో బూడిద బాల నర్సింహ (43) నిందితునిగా చేర్చారు. ఈ కేసుపై విచారించిన ఎల్ బి నగర్ కోర్ట్ సోమవారం తీర్పునిచ్చింది. నిందితుడు బాల నర్సింహకు 20 ఏళ్ల జైలు శిక్ష, రూ. 25 వేల జరిమానా విధించడంతో పాటు బాధితురాలికి రూ. 10 లక్షల పరిహారం చెల్లించాలని తీర్పులో వెలువరించింది.